行唔到 Stream B，可以點搞？

要移民加拿大其實有好多方法，只不過行 HK Pathway 嘅 Stream A 同 Stream B 係暫時嚟講最快、最簡單又最易攞 PR 嘅方法。個人睇法係就算行唔到 Stream B，都睇吓行唔行到 Stream A 先。如果真係覺得 Stream A 唔適合自己，先再考慮其他如 Express Entry 或省提名等方法。因為其他方法係存有不肯定性，即係唔知要搞幾耐同無話最後一定會攞到 PR。

如行 Express Entry 計分制，係越後生越多分。每多一年加拿大指定工種工作經驗都會加分。如果之後行到省提名就更加好，因為取得省提名就會加 600 分，差唔多可以肯定會獲邀遞交 PR 申請。由於唔同省份會有唔同嘅省提名計劃，係有啲省份會比較容易攞到省提名。

我哋之前有出過條片，有講解過 Express Entry 點計分，有時間可以睇吓。
https://youtu.be/ITT4PaO0HEE

* 以上僅為個人意見。由於每個人或家庭嘅情況會有不同，係好難建議邊種移民方法先適合各位。而且用其他方法都係無 HK Pathway 咁簡單，可以 DIY。建議各位因應需要考慮向持牌移民顧問尋求協助。