會唔會 6 個月都未批到 PR？

IRCC 審批個別申請嘅時間係無人答到你。只可以講暫時聽返嚟嘅 HK Pathway 審批 PR 時間由個幾月至六個月或以上都有。我自己一家三口就用咗 88 日。單身嘅申請人通常都會快啲，不過最近有唔只一位單身嘅網友分享等咗六個月或以上先批到。同其他地方嘅 PR 申請人相比，IRCC 係會優先處理 HK Pathway 嘅申請。當然，要睇返當時多唔多人同時申請，同埋唔同 case officer 處理個案嘅速度都會有唔同。