想幫子女報嘅學校得 5 分，係咪代表間學校有問題？

我估計你應該係講緊 Fraser Institute 學校排名網站內就每間學校嘅評分。以我理解，以 elementary schools 為例，各學校嘅分數主要係由過往就讀該校學生嘅平均成績計算出來。分數無咁高嘅學校唔代表間學校有問題，可能只係代表該校學生嘅平均成績無其他學校咁好。

就我所見，高分嘅學校大多集中喺較多華人住嘅地區。因為常見都係啲華人家長比較緊張小朋友嘅學術成績。呢邊雖然話返學無咁大壓力，但放學後都有好多華人家長安排咗好多嘢俾啲小朋友學。

其實睇身為家長嘅選擇，如選擇高分學校，係好大機會大部份都係中國人同學，而且功課會比其他學校多。相反，如選擇無咁高分嘅學校，就多啲機會接觸本地或其他種族嘅同學，同埋會係 happy school，放咗學唔洗點做功課。